Þrír leikir fara fram í 1. deild kvenna í dag.
Á Akureyri tekur Þór á móti Njarðvík og á Sauðarkróki mætir ÍR heimastúlkum í Tindastól. Risaleikur er svo í Dalhúsum í Grafarvogi þegar að topplið deildarinnar, Fjölnir og Grindavík mætast.
Fyrir leikinn er Fjölnir eitt á toppi deildarinnar, fjórum stigum fyrir ofan Grindavík. Grindavík á þó leik til góða á þær. Má því segja sem svo að með sigri í dag, taki Grindavík risastórt skref í að jafna lið Fjölnis á toppi deildarinnar. Beri Fjölnir hinsvegar sigur úr býtum, verður það að teljast ólíklegt að hægt verði að ná þeim aftur í deildinni á þessu tímabili.
Liðin hafa skipt með sér sigrum í tveimur leikjum í vetur. Fjölnir vann fyrri leikinn með 8 stigum heima í október, Grindavík þann seinni heima með 1 stigi nú í janúar.
Leikir dagsins
1. deild kvenna:
Þór Njarðvík – kl. 14:00
Tindastóll ÍR – kl. 16:30
Fjölnir Grindavík – kl. 16:30
