Leik ÍA og Skallagríms í fyrstu deild karla sem fara átti fram annað kvöld á Akranesi hefur verið frestað vegna fjölgunar Covid smita á Akranesi, en bæjarráð þar hefur ákveðið að loka öllum íþróttahúsum bæjarins fram yfir helgi. Samkvæmt tilkynningu verður leiknum fundin ný tímasetning eins fljótt og auðið er.
Tilkynning:
Leik ÍA og Skallagríms hefur verið frestað vegna mikillar fjölgunar COVID-19 smita á Akranesi síðustu daga.
Bæjarráð Akraness ákvað að loka öllum íþróttahúsum bæjarins fram yfir helgi, svo ekki er hægt að leika á Akranesi annað kvöld. Leiknum verður fundinn nýr leiktími eins fljótt og auðið er.
