13:19
{mosimage}
Mikið var um dýrðir í DHL-Höllinni í Vesturbænum um helgina þegar Stjörnuleikir KKÍ í karla og kvennaflokki fóru fram. Besta körfuknattleiksfólk landsins leiddi þar saman hesta sína frammi fyrir um 800 áhorfendum en ekki hefur verið jafn fjölmennt á Stjörnuleik KKÍ í langan tíma.
Kvennaleikurinn fór fram kl. 14 en að honum loknum tók við karlaleikurinn kl. 16. Eins og von var stilltu liðin sér upp og tekin var liðsmynd. Hjá Shell liði kvenna reyndist eitthvað vera bogið við liðsmyndina og þegar nánar var að gáð kom í ljós að nokkuð ófrýnileg kona hafði lætt sér inn á myndina.
Páll Axel Vilbergsson, leikmaður Grindavíkur, gat ekki á sér setið og vildi endilega komast í kastljósið í kvennafans. Samkvæmt heimildum úr Grindavík er hann mikill kvennaljómi og vildi ólmur komast inn á þessa liðsmynd… og hver láir honum það?
{mosimage}
Páll sá fljótlega að sér og leyfði stelpunum sem prýddu Shell liðið að fá karlmannslausa mynd, að þjálfurunum Jóni og Agnari undanskildum.
Frétt og myndir af www.vf.is
