Spennan fyrir komandi tímabili í Bónusdeild karla heldur áfram að magnast og í nýjasta þætti Aukasendingarinnar mættu þeir Jón Frí og Strikerinn Árni Jó til að rýna í stöðuna.
Auk þess að fara yfir sögu nýliða síðan 1996 var tekin ítarleg yfirferð á lagaskiptingu deildarinnar fyrir komandi vetur, þar sem liðunum tólf var skipt niður í fjóra flokka eftir því hver raunveruleg markmið og geta þeirra virðast vera.
Þáttinn má hlusta á í spilaranum hér að ofan ásamt því að vera aðgengilegur undir nafninu Karfan á öllum hlaðvarpsveitum. Samstarfsaðilar Körfunnar eru Bónus, Wodbúð körfubolti, Tactica, Lengjan, Kristall og Lykill.
1.–2. Meistaraefni – Álftanes og Tindastóll: Þau lið sem standa fremst og eru talin líklegust til að fara alla leið og berjast um stærsta titilinn í vor.
3.–6. Hættulegir áskorendur („Dark Horse“) – Grindavík, KR, Stjarnan og Keflavík: Öflugur hópur liða sem getur vel blandað sér í baráttuna ef hlutirnir smella saman og spilað af fullum krafti gegn allra sterkustu liðunum.
7.–8. Einskismannsland („No man’s land“) – Valur og Njarðvík: Lið sem virðast ekki í mikilli fallhættu en eru á sama tíma ekki talin eiga beint erindi í allra fremstu víglínu eins og sakir standa.
9.–12. Fallbaráttan – ÍR, Sindri, Ármann og Höttur: Þessi fjögur lið eru talin líklegust til að berjast blóðugri baráttu á botninum um að halda sæti sínu í efstu deild.
