{mosimage}
U18 drengir léku sinn annan leik í gær og voru mótherjarnir landslið Króatíu. Eftir jafnan leik fyrstu þrjá fjórðungana tóku Króatar sig til og skildu okkar stráka eftir og innbirtu öruggan sigur 89-55.
Íslensku strákarnir léku mun betur í gær en þeir gerðu í fyrsta leiknum gegn Spánverjum. Króatar skoruðu 3ja stiga körfu í lok fyrri hálfleiks sem kom þeim 7 stigum yfir, 39-32. Baráttan hélt áfram í þriðja leikhluta og aftur skoruðu Króatar stóra körfu í lok leikhlutans sem kom þeim 57-45 yfir og var eins og enn ein karfan á "buzzer" hafi farið illa í íslensku strákana og var fjórði og síðasti leikhlutinn eign Króata. Spánverjar gerðu 2 körfur frá miðju um leið og báðir hálfleikarnir enduðu og er þetta eitthvað sem hlýtur að taka enda.
Brynjar Björnsson átti skínandi leik og var langatkvæðamestur með 21 stig. Sigurður Þorsteinsson var í villuvandræðum allan leikinn en spilaði vel þær mínutur sem hann lék. Hörður Axel Vilhjálmsson meiddist á hné í leiknum gegn Spáni og æfði ekki með liðinu fyrir leikinn í kvöld en lét sig hafa það að spila eftir að Katrín sjúkraþjálfari tók hann í meðferð.
Stig Íslands: Brynjar Björnsson 21, Hörður Axel Vilhjálmsson 9, Hjörtur Einarsson 7, Sigurður Þorsteinsson 4, Hörður Helgi Hreiðarsson 4, Þröstur Leó Jóhannsson 4, Þórir Guðmundsson 3, Rúnar Ingi Erlingsson 3.
Íslendingar mæta svo Frökkum í síðasta leik riðlakeppninnar í dag.
