Keflavík Unglingaflokkur fékk Stjörnuna Unglingaflokk í heimsókn í Blue höllina í kvöld í fyrsta leik 1. deildar kvenna. Úrvalsdeildarlið Keflavík og Stjörnunar mættust nýverið í Subwaydeildinni og lauk þeim leik með sigri Keflavíkur.
Keflavík byrjaði betur og eftir um 4 mínútna leik var staðan 11 – 3 Keflavík í vil. Fyrsti leikhluti endaði 20 – 11. Keflavík byrjaði aftur betur í öðrum leikhluta en Stjarnan gerði vel og söxuðu þær niður forystu Keflavík í 6 stig. Heimastúlkur enduðu leikhlutann þó betur. Staðan í hálfleik 43 – 31.
Gestirnir voru að spila ágætlega á köflum en náðu ekki í skottið á heimastúlkum sem juku enn frekar við forystu sína. Staðan fyrir fjórða leikhluta 63 – 45. Jafnt var með liðunum í fjórða leikhluta, bæði lið sýndu flotta baráttu. Lokatölur 80 – 63.
Byrjunarlið:
Keflavík: Eygló, Agnes, Lovísa, Anna Lára og Gígja
Stjarnan: Fanney, Bo, Bergdís, Kristjana og Heiðrún
Hetjan:
Hera Björk átti frábæra innkomu í liði Stjörnunar. Eygló Kristín leikmaður Keflavíkur var mjög góð í kvöld, nýti færin vel og varði skot hægri vinstri.
Kjarninn:
Keflavík voru nokkuð öruggt með leikinn í sínum höndum frá fyrstu mínútu. Stjarnan gerði atlögu að heimastúlkum en Keflavík gerði alltaf nóg til að leiða nokkuð öruggt.
Kjarnin er sá að þrátt fyrir bara einn sigurvegara í kvöld er þetta frábært hjá báðum liðum að tefla fram liði í 1. deild og þannig gefa fleiri tækifæri á mínútum og reynslu sem nýtist yngri leikmönnum vel.
Viðtöl:
Anna Lára Vignisdóttir
