Keflavík lagði Stjörnuna í kvöld í undanúrslitum VÍS bikarkeppni karla, 113-94. Það verður því Keflavík sem fer í úrslitaleikinn á laugardag. Þar mætir liðið Tindastóli, sem lagði Álftanes fyrr í kvöld með 18 stigum.
Karfan spjallaði við Júlíus Orra Ágústsson leikmann Stjörnunnar eftir leik í Laugardalshöllinni. Júlíus var að öðrum ólöstuðum besti leikmaður Stjörnunnar í kvöld með 24 stig og 5 fráköst á 24 mínútum spiluðum.
