spot_img
HomeFréttirÍsland hefur leik í Sundsvall í dag

Ísland hefur leik í Sundsvall í dag

Í dag kl. 16.15 að íslenskum tíma munu Ísland og Svíþjóð mætast í sínum fyrstu leikjum á Norðurlandamóti karla í körfubolta 2011. Mótið fer fram í Sundsvall í Svíþjóð.
 
Mikil eftirvænting er í Sundsvall eftir leiknum í dag. Fjórir leikmenn íslenska liðsins eru á mála hjá Sundsvall Dragons, þjálfarinn Peter Öqvist og þeir Hlynur Bæringsson, Jakob Sigurðarson og Pavel Ermolinski. Auk þess eru þeir Logi Gunnarsson (Solna Vikings), Helgi Már Magnússon (Uppsala) og Brynjar Þór Björnsson (Jamtland) leikmenn í sænsku úrvalsdeildinni á næstu leiktíð.

Allir leikir mótsins verða í beinni tölfræðilýsingu og verður hún aðgengileg á www.kki.is eins og vanalega og/eða á www.basket.se, en norðurlöndin nota sama kerfi og Ísland frá SmartStatt MBT í Litháen.

Næsti leikur liðsins verður svo á morgun sunnudag þegar Ísland mætir Finnum kl. 14.00 að íslenskum tíma.

Leikjadagskrá Íslands:íslenskur tími
Ísland · Svíþjóð kl. 16.15 í dag
Ísland · Finnland kl. 14.00 á morgun sunnudag
Ísland · Danmörk kl. 18.15 á mánudaginn
Ísland · Noregur kl. 16.00 á miðvikudaginn

Á kki.is má finna skemmtilega kynningar á öllum leikmönnum Íslands og á Facebook má finna fróðleik um mótið sjálft.

 
www.kki.is
Fréttir
- Auglýsing -