Sergei Ibaka er úr leik hjá Oklahoma City Thunder eftir að hafa slasað sig á kálfa í einvíginu gegn LA Clippers. Ibaka slasaðist í þriðja leikhluta í síðasta leiknum gegn Clippers. Óhætt er að segja að þetta eru gríðarlegt áfall fyrir lið Thunder sem mun slást við SA Spurs í úrslitum vesturdeildarinnar. Ibaka var að skila 12 stigum, 7 fráköstum og 2 vörðum skotum í þeim 13 leikjum sem Thunder hefur spilað núna í úrslitakeppninni. Þeir munu líkast til sakna Ibaka mest á varnarendanum þar sem hann var með flest varin skot í deildinni þetta árið.
Spurs og Thunder hefja leik á mánudag og fer fyrsti leikurinn fram í San Antonio.
