Rúnar Ingi Erlingsson, þjálfari Njarðvíkur, lýsir yfir mikilli ánægju með nýjasta leikmann liðsins en hinn 24 ára gamli framherji Hugi Hallgrímsson gekk til liðs við græna í dag. Rúnar bendir á að Hugi sé fjölhæfur leikmaður og góður karakter sem muni færa íslenska kjarna liðsins aukna stærð eftir frábært tímabil í fyrstu deildinni. Þjálfarinn telur nýja leikmanninn algjörlega tilbúinn í að taka næsta skref og láta til sín taka í Bónus deildinni á komandi keppnistímabili.
Hugi kemur til Njarðvíkur frá Haukum þar sem hann skilaði að meðaltali rúmum 15 stigum, 6,8 fráköstum og 2,7 stoðsendingum í leik á síðustu leiktíð. Hann hóf meistaraflokksferil sinn vestur á Ísafirði með Vestra en hefur síðan þá einnig spilað með Stjörnunni. Þetta er þó ekki í fyrsta sinn sem framherjinn spilar með liði af Suðurnesjum, því hann á að baki einn leik með Þrótti úr Vogum frá tímabilinu 2023-2024.
