Nú er ljóst að unglambið Eiríkur Sverrir Önundarson mun leika með ÍR-ingum í vetur í Iceland Express deild karla. Nýorðinn 37 ára og klár í slaginn. Hann hefur verið að æfa með liðinu á undirbúningstímabilinu og hefur ákveðið að taka slaginn.
,,Þetta eru miklar gleðifréttir því Eiríkur er einn besti körfuknatttleiksmaður sem ÍR hefur alið af sér. Hann mun styrkja ÍR-liðið mikið, hlaðinn reynslu, styrk og kunnáttu. Eiríkur er mikil fyrirmynd og tilkynna ÍR-ingar hann til leiks með miklu stolti,“ segir í tilkynningu frá félaginu.
