Sindramenn sóttu góðan 103–96 sigur gegn Grindavík í æfingaleik meistaraflokks karla.
Bæði lið sýndu mikinn kraft í sóknarleiknum en Hornfirðingar reyndust sterkari á lokakaflanum og tryggðu sér sjö stiga útisigur.
Kaleb fór fyrir liði Sindra með 30 stig og Craig átti sömuleiðis frábæran leik með 27 stig. Martins bætti við 17 stigum, Birgir skilaði 14 stigum og Gísli skoraði 10 stig fyrir gestina að austan.
Í liði Grindvíkinga fór Arnór Tristan mikinn og var stigahæstur á vellinum með 37 stig. Mirza Bulic skilaði 21 stigi, Valur Orri skoraði 17 stig og Ragnar bætti við 12 stigum fyrir heimamenn.
