11:27
{mosimage}
Háloftaþruman Hörður Axel Vilhjálmsson, leikmaður Fjölnis í Iceland Express deild karla hefur tilfinningu fyrir því að Haukakonur og ÍRkarlar verði þau lið sem lyfti Lýsingarbikarnum á laugardag. Hörður segir mikilvægt fyrir Keflavík að hægja á Helenu og að í karlaleiknum muni það skipta öllu máli hvaða lið muni ráða hraðanum. Hörður er annar spámaðurinn hjá okkur á karfan.is en í gær setti Einar Árni Jóhannsson, þjálfari Njarðvíkinga, fram sína spádóma. Sjáum hvað Hörður hefur til málanna að leggja:
Haukar-Keflavík: Laugardagur 17. febrúar kl. 14:00
Ég myndi segja að Haukar vinni Keflavík. Ef Keflavík nær að hægja á Helenu þá getur allt gerst. Það hefur engum tekist að hægja á Helenu í nokkur ár þannig að ég held að Haukar vinni. Þó gætti þetta orðið jafn leikur þar sem Íslendingar eru í aðalhlutverki, Helena hjá Haukum og Mæja hjá Keflavík. Ég spái Haukasigri 75-72.
ÍR-Hamar/Selfoss: Laugardagur 17. febrúar kl. 16:00
Það mun koma til að hafa mikið að segja hvaða lið muni ráð hraðanum í leiknum. Ef leikurinn verður hraður og opinn þá mun ÍR eiga auðveldan leik. Ef Hamar/Selfoss nær að nota skotklukkuna í hverri einustu sókn eiga þeir möguleika. Ef þeir ná því verður þetta hundleiðinlegur leikur. Byrd er aðalmaðurinn í þessu H/S liði og hann er ekki að fara að hlaupa fram og til baka í 40 mínútur. Hjá ÍR held ég að það muni velta mikið á hvernig Hreggviður og Keith spila. Ég spái ÍR sigri 85-76.