Benóní Andrason, leikmaður U18 landsliðs Íslands og KR, hefur staðið sig frábærlega á Evrópumótinu í Króatíu og skipað sér i flokk með bestu leikmönnum mótsins.
Það er mikill heiður fyrir þennan unga og efnilega leikmann að vera tilnefndur af FIBA sem verðmætasta leikmann B-deildarinnar.
Hann hefur verið í stóru hlutverki í liðinu og skilað atkvæðamikilli tölfræði á mótinu, en hann stendur meðal annars með 12 stig og 6,2 fráköst að meðaltali í leik. Besta leik sinn á mótinu átti Benóní gegn Portúgal þar sem hann skoraði 21 stig og hitti úr 10 af 18 skotum sínum ásamt því að taka 6 fráköst.
Hægt er að kjósa Benóní sem verðmætasta leikmann mótsins hér
