12:32
{mosimage}
BC Boncourt lið Helga Más Magnússonar tapaði á dögunum í síðari
bikarleiknum gegn Lugano Tigers 88-64 á útivelli eftir að staðan
í hálfleik hafði verið 43-33. Helgi Már skoraði 5 stig.
Fyrri leiknum töpuðu BC Boncourt með 4 stigum og þurftu þeir
því að sigra með 5 stigum eða meira á útivelli í kvöld til
að komast áfram. Liðið lék hinsvegar illa í kvöld og voru tíu
stigum undir í hálfleik og töpuðu með tuttugu og fjórum stigum
88-64. Samanlagt tapaði liðið því með 28 stigum og eru úr
leik í Svissneska bikarnum.
Helgi Már var í villuvandræðum í leiknum og skoraði 5 stig.
Næsti leikur er einmitt gegn Lugano Tigers á laugardaginn á
heimavelli og hefur liðið harma að hefna. Lugano Tigers eru í
þriðja sæti deildarinnar með 7 sigra og 3 tapleiki, en BC Boncourt
er í sjöunda sæti deildarinnar með 5 sigurleiki og 6 töp.
Frétt og mynd af www.kr.is/karfa
