Úrslitaeinvígi Bónus deildar kvenna rúllar af stað annað kvöld.
Um er að ræða fyrsta leik deildarmeistara Hauka og bikarmeistara Njarðvíkur kl. 19:15 í Ólafssal, en bæði lið sópuðu leið sína í úrslitin, Njarðvík gegn ríkjandi Íslandsmeisturum Keflavíkur og Haukar gegn liði Vals.
Við tilefnið hafa Haukar ákveðið að blása til veislu fyrir leikinn, þar sem Fan Zone mun opna kl. 17:00 í Ólafssal, en á boðstólum þar fyrir stuðningsmenn beggja liða verður Bjössabar & grillaðir borgarar, lukkuhjól, andlitsmálun og ís. Þá munu Rúnar Ingi Erlingsson, fyrrverandi þjálfari Njarðvíkur, og Ingvar Guðjónsson, fyrrverandi þjálfari Hauka, sitja fyrir svörum frá kl. 18:45. Spyrill mun mæta til að spyrja þá spurninga, en svo verður einnig tekið við spurningum úr sal.
Hérna er viðburðurinn á Facebook
