Keflvíkingar mættu með bakið upp við vegginn fræga í Schenker-höll Haukamanna. Alþjóð veit að Haukar unnu á ævintýralegan hátt í Keflavík í síðasta leik og komust í 2-0 í einvíginu. Flestir gerðu því ráð fyrir öruggum heimasigri í kvöld, en svo fór ekki. Gestirnir sigruðu leikinn og er staðan nú 2-1 fyrir næsta leik liðanna, sem fram fer í TM Höllinni í Keflavík komandi mánudag.
Karfan spjallaði við leikmann Keflavíkur, Guðmund Jónsson, eftir leik í DB Schenker höllinni.
