Rúnar Birgir Gíslason, fréttastjóri Karfan.is, verður í eldlínunni í kvöld þegar hann tekur upp hanskann fyrir Skagafjörð í spurningakeppninni Útsvar hjá RÚV. Rúnar er mikill maður að viti og fær að láta ljós sitt skína í kvöld.
Andstæðingarnir eru ekki af verri endanum því Rúnar og Skagfirðingar mæta Dalvíkurbyggð og má gera ráð fyrir hörku rimmu. Rúnar er búsettur á Sauðárkróki og þarf því að raska aðeins forgangsröðun sinni í kvöld og missir af slag Stjörnunnar og Tindastóls í Iceland Express deild karla. Það kemur ekki að sök heldur mun ljósmyndagúrúinn Tomasz Kolodziejski hlaupa í skarðið fyrir Rúnar og sjá um umfjöllun og myndapakka af leik Stjörnunnar og Stólanna.
Áfram Rúnar!
