Fjórir svakalegir leikir í Domino´s deildinni í kvöld

Fimmtánda umferð Domino´s deildar karla hefst í kvöld og eru fjórir leikir á dagskránni sem hefjast allir kl. 19:15. Grannarimma Keflavíkur og Njarðvíkur fer fram í ™-Höllinni í Keflavík, Snæfell fær Þór í heimsókn, KR heimsækir Grindavík og Tindastóll tekur á móti ÍR. Þá er einnig einn leikur í 1. deild karla en þar eigast við Hamar og Valur.

 

 

Leikurinn verður í beinni á SportTV en Keflvíkingar fóru illa með granna sína í fyrri deildarviðureign liðanna í Ljónagryfjunni. Lokatölur voru þó aðeins 74-86 en á löngum kafla leiksins virtist allt stefna í flennistóran kjöldrátt. Með sigri í kvöld getur Keflavík jafnað Njarðvík að stigum en Keflvíkingar eru í 6. sæti deildarinnar með 16 stig en Njarðvíkingar í 4. sæti með 18 stig.

 

Grindvíkingar biðu afhroð í DHL-Höllinni í fyrri viðureign liðanna, lokatölur 118-73. Annað og ferskara Grindavíkurlið virðist vera mætt til leiks núna á nýju ári og það ætti að verða straumþungt í Röstinni í kvöld. Fátt ef nokkuð bendir til annars en að KR verði deildarmeistari en Grindavík á mikið undir leik kvöldsins því eins og stendur eru þeir ekki inni í úrslitakeppninni heldur í 9. sæti með 14 stig.

 

Fyrri leikur liðanna í Þorlákshöfn var naglbítur, lokatölur 94-96 fyrir Snæfell þar sem þristur frá Tómasi Heiðari Tómassyni fyrir sigrinum vildi ekki niður og Hólmarar fögnuðu sigri. Snæfell og Þór eru í „súpunni“ þ.e. á meðal liða í sætum 3-9. Bæði hafa þau 16 stig, Snæfell í 5. sæti en Þór í því sjöunda.

 

Í deildinni er himinn og haf milli þessara tveggja liða, Tindastóll í 2. sæti með 22 stig en ÍR í bullandi fallbaráttu í 10. sæti með 6 stig. Okkur segir engu að síður svo hugur að rosalegur leikur verði á boðstólunum í Síkinu í kvöld.

 

Deildarkeppni
Nr.	Lið	U/T	Stig
1.	KR	14/1	28
2.	Tindastóll	11/4	22
3.	Stjarnan	9/6	18
4.	Njarðvík	9/6	18
5.	Snæfell	8/7	16
6.	Keflavík	8/7	16
7.	Þór Þ.	8/7	16
8.	Haukar	7/8	14
9.	Grindavík	7/8	14
10.	ÍR	3/12	6
11.	Fjölnir	3/12	6
12.	Skallagrímur	3/12	6

 

Hamar-Valur kl. 19:15