Caja Laboral 81-79 Olympiacos
Caja Laboral tóku af skarið í fjórða leikhluta eftir að hafa verið undir fram að því og unnu góðan tveggja stiga sigur á Olympiacos. Caja eru því ósigraðir í Euroleague á þessu tímabili og stefna hraðleið áfram úr riðlinum.
Stigahæstur í liði Caja var Mirza Teletovic með 20 stig en næstir voru Kevin Seraphin og Fernandi San Emeterio með 15 stig hvor.
Í liði Olympiacos var Vassilis Spanoulis stigahæstur með 19 stig og 7 stoðsendingar en næstir voru Pero Antic og Kyle Hines með 14 stig hvor.
Tölfræðina úr leiknum má finna hér
KK Zagreb 47- 89 CSKA Moscow
CSKA Moscow halda áfram að sýna yfirburði sína með feiknarstórum útisigri á Zagreb sem hafa ekki unnið leik í Euroleagu á tímabilinu. Sigur CSKA í kvöld var aldrei í hættu en heimamenn skoruðu aldrei meira en 13 stig í leikhluta í kvöld og voru komnir með 21 stigs forskot strax í hálfleik.
Stigahæstur í liði CSKA var Nenad Kristic með 15 stig en næstir komu Andrei Kirilenko með 14 stig og 7 fráköst og Andrey Vorontsevich með 12 stig og 6 fráköst.
Tölfræðina úr leiknum má finna hér
Montepaschi 103- 77 GS medical Park
Ítalska liðið Montepaschi Siena hefur komið virkilega sterkt inní Euroleague í ár og unnið fyrstu þrjá leiki sína. Sigurinn í kvöld var nokkuð öruggur og fór Rimantas Kaukenas fyrir sínum mönnum með 24 stig. Næstir í liði Siena voru Bo McCalebb með 19 stig og David Andersen með 13 stig.
Í liði Medacl Park var Luksa Andric stigahæstur með 12 stig en næstir voru Ender Arslan með 11 stig og Joshua Shipp með 10 stig og 9 fráköst.
Tölfræðina úr leiknum má finna hér
Union Olimpija 70-62 Asseco Prokom
Þessi tvö lið verma tvo neðstu sæti D riðils í Euroleague en þau höfðu bæði tapa fyrstu tveimur leikjum sinum á tímabilinu. Union Olimpija hafði betur í kvöld og geta þakkað Danny Green fyrir sem var yfirburða maður í sóknarleik þeirra í kvöld með 23 stig. Næstir á blað voru Robert Rothbart með 9 stig og Dino Muric með 8 stig.
Í liði Asseco var Alonzo Gee stigahæstur með 13 stig en næstir voru Oliver Lafayette með 12 stig og Lukasz Seweryn með 9 stig.
Tölfræðina úr leiknum má finna hér
Hægt er að horfa á leiki í Euroleague á www.euroleague.tv ef menn eru tilbúnir að borga nokkrar evrur fyrir. Útsendingarnar eru í mjög góðum gæðum og leikirnir fara fram á skikkanlegum tíma sem ætti að vera góðar fréttir fyrir þá sem hafa vanið sig á að vaka eftir NBA leikjunum i gegnum tíðina.
