Þór Akureyri hefur hafið undirbúning fyrir næsta tímabil af fullum krafti og gengið frá ráðningu þjálfara fyrir bæði karla- og kvennalið félagsins.
Jón Ingi Baldvinsson hefur verið ráðinn aðalþjálfari meistaraflokks kvenna og honum til halds og trausts verður Karen Lind Helgadóttir, sem tekur við starfi aðstoðarþjálfara. Þá mun Rúnar Ólason stýra meistaraflokki karla á komandi keppnistímabili.
Samhliða þessum þjálfararáðningum var gengið frá mikilvægum leikmannasamningi, en Emma Karólína Snæbjarnardóttir skrifaði undir nýjan samning og mun áfram leika með liðinu. Mikil ánægja ríkir með þessi fyrstu skref í uppbyggingunni og hlakka forráðamenn Þórs til samstarfsins í vetur.
