Stjórn Íslensks Toppkörfubolta (ÍTK) hefur lagt til að auglýsingar á keppnisvelli verði bannaðar í kjölfar meiðsla Remy Martin í leik Keflavíkur og Grindavíkur í síðustu viku. ÍTK hyggst framkvæma könnun í samvinnu með Körfunni meðal núverandi og fyrrverandi leikmanna hér á landi varðandi auglýsingar á leikvelli og mögulega meiðslahættu sem stafar af þeim.
Ef þú ert núverandi eða fyrrverandi leikmaður væri óskandi að þú sæir þér fært á að svara þessari könnun. Ef þú tilheyrir ekki þessum hópi þá biðjum við þig vinsamlegast um að taka ekki þátt til að skekkja ekki niðurstöður könnunarinnar. Svörunin tekur bara 2-3 mínútur og verða niðurstöðurnar kynntar innan skamms. Niðurstöðurnar gætu haft mikil áhrif á hvort að auglýsingar á keppnisvelli verði bannaðar til frambúðar eða ekki.
