Framherji KR, Dino Cinac, verður frá keppni vegna meiðsla í óákveðinn tíma samkvæmt félaginu.
Mun Cinac hafa fengið fingur af krafti í auga á æfingu á dögunum, sem varð þess valdandi að himna rifnaði sem þurfti að sauma, augnbotn brotnaði og skurður myndaðist undir auganu.
Leikmaðurinn kom til KR nú á miðju tímabili, en hefur í 7 leikjum með þeim skilað 14 stigum og 6 stoðsendingum að meðaltali.
