Keflavík lagði Tindastól í kvöld í áttundu umferð Dominos deildar karla, 107-81. Keflavík er sem áður í efsta sæti deildarinnar eftir leikinn með 16 stig á meðan að Tindastóll er í 6.-8. sætinu ásamt KR og Njarðvík með 8 stig.
Karfan spjallaði við Deane Williams, leikmann Keflavíkur, eftir leik í Blue Höllinni. Deane átti góðan leik fyrir Keflavík í kvöld. Á tæpum 29 mínútum spiluðum skilaði hann 16 stigum og 9 fráköstum.
