Mike D´Antoni hefur látið af störfum sem þjálfari LA Lakers í NBA deildinni. Hann er þá fjórði þjálfarinn sem hverfur frá störfum hjá Lakers á minna en þremur árum!
D´Antoni tók við starfinu af Mike Brown sem var rekinn en hann tórði aðeins 71 leik með Lakers eftir að hafa tekið við af sjálfum Phil Jackson árið 2011.
Lakers komust ekki í úrslitakeppnina þetta árið sem var í fyrsta sinn í níu ár sem þeir eru ekki með í úrslitakeppninni og aðeins í þriðja sinn á 38 árum sem þeir komast ekki í úrslitakeppnina.
Magic Johnson fyrrum leikmaður LA Lakers var manna kátastur með brotthvarf D´Antoni og bauð upp á þetta tíst þegar fregnirnar láku út: „Happy days are here again! Mike D’Antoni resigns as the Lakers coach. I couldn’t be happier!”
