Undir 18 ára drengjalið Íslands lagði Danmörku rétt í þessu í öðrum leik sínum á Norðurlandamótinu í Kisakallio, 71-75. Drengirnir því komnir með tvo sigra í fyrstu tveimur leikjunum, en í gær lögðu þeir Noreg.
Karfan spjallaði við Daníel Ágúst Halldórsson leikmann Íslands eftir leik í Kisakallio. Daníel var að öðrum ólöstuðum besti leikmaður Íslands í dag, með 13 stig, 8 fráköst, 3 stoðsendingar og 4 stolna bolta á rúmum 25 mínútum spiluðum.
