Birna Benónýsdóttir og Binghamton Bearcats lögðu UMBC Retrievers í gær í bandaríska háskólaboltanum, 48-58.
Leikurinn var sá síðasti í deildinni hjá Binghamton á tímabilinu, en þær enduðu í 7. sæti í American East deildinni með fimm deildarsigra og þrettán töp á tímabilinu.
Á 34 mínútum spiluðum í leiknum skilaði Birna 10 stigum, 4 fráköstum, 2 stoðsendingum og 4 vörðum skotum.
Næst á dagskrá hjá Birnu og Binghamton er úrslitakeppni American East deildarinnar, þar sem þær mæta Vermont Catamounts í 8 liða úrslitum komandi laugardag 5. mars.
