Nýjasti þáttur Aukasendingarinnar er lentur í loftinu þar sem farið er yfir allt það heitasta í íslenska körfuboltanum. Gestir og sérfræðingar þáttarins að þessu sinni eru Heisi Högg og JónFrí.
Spennan fyrir komandi tímabili í Bónusdeild karla heldur áfram að magnast og í þættinum birtir þríeykið uppfærða spá fyrir veturinn í ljósi nýjustu vendinga. Þá er rýnt í félagaskiptamarkaðinn og teknir fyrir fimm leikmenn sem þeir væru til í að sjá, og telja alls ekki ólíklegt, að færi sig um set á komandi leiktíð.
Til að toppa umræðuna er svo tekin nostalgísk og skemmtileg yfirferð yfir sögu helstu spútnikliða í efstu deild karla síðustu 30 árin – liðanna sem komu öllum að óvörum, sprengdu allar spár og settu deildina á hliðina. Að sjálfsögðu er einnig farið yfir helstu fréttir vikunnar auk þess sem skór vikunnar eru á sínum stað í boði Wodbúðar.
Þáttinn má hlusta á í spilaranum hér að neðan ásamt því að vera aðgengilegur undir nafninu Karfan á öllum helstu hlaðvarpsveitum.
Samstarfsaðilar Körfunnar eru Bónus, Wodbúð körfubolti, Tactica, Lengjan, Kristall og Lykill.
