Nýjasti þáttur Aukasendingarinnar er lentur. Gestir og sérfræðingar þáttarins að þessu sinni eru þeir Jón Frí og Strikerinn Árni Jó, sem mættu vel gíraðir til að greina stöðuna fyrir komandi átök í Bónusdeild karla.
Í þættinum er tekin söguleg yfirferð á gengi nýliða í efstu deild allt aftur til ársins 1996 og rýnt í hvernig nýliðum gengur almennt að fóta sig meðal þeirra bestu. Þá er farið ofan í saumana á lagaskiptingu deildarinnar fyrir komandi tímabil: Hvaða lið geta raunverulega orðið meistarar, hver geta blandað sér í þann hóp, hvaða lið sigla lygna sjó án mikillar hættu á falli en eiga lítið erindi í toppbaráttuna, og hvaða lið eru dæmd í harða fallbaráttu í vetur?
Undir lokin er svo tekin skemmtileg vending út fyrir völlinn þar sem félagarnir stilltu upp fimm bestu Keflvíkingum allra tíma – fyrir utan körfuboltann.
Þáttinn má hlusta á í spilaranum hér að neðan ásamt því að vera aðgengilegur undir nafninu Karfan á öllum helstu hlaðvarpsveitum.
Samstarfsaðilar Körfunnar eru Bónus, Wodbúð körfubolti, Tactica, Lengjan, Kristall og Lykill.
