Valur tók tvö góð stig í Ljónagryfjunni í kvöld þegar liðið lagði Njarðvík 69-80 í Subwaydeild kvenna. Valskonur tóku snemma stjórnvölin í leiknum og leiddu allt til leiksloka. Njarðvíkingar gerðu nokkrar heiðarlegar tilraunir til þess að jafna og komast yfir en Valskonur kváðu allar þær tilraunir í kútinn jafnóðum.
Karfan spjallaði við Ástu Júlíu Grímsdóttur leikmann Vals eftir leik í Ljónagryfjunni. Ásta Júlía var frábær fyrir Val í leiknum skilaði 18 stigum og 12 fráköstum á um 39 mínútum spiluðum.
