Ægir Þór Steinarsson leikmaður TAU Castello var lykilmaður í sínu liði er liðið náði í góðan sigur á Prat í Spænsku B deildinni.
Ægir var að vanda í byrjunarliði Castello og var stigahæstur í liðinu. Hann endaði með 16 stig, 6 fráköst og tvær stoðsendingar.
Tau Castello er sjöunda sæti LEB Gold deildarinnar og hafa nú unnið fjóra af síðustu fimm leikjum eftir brösuga byrjun.
Castello mætir Forca Lleida eftir viku en liðin eru jöfn að stigum í sjöunda og áttunda sæti deildarinnar. Því um mikilvægan leik að ræða þar sem Ægir verður væntanlega meðal lykilmanna.
