spot_img
HomeBónusdeildinBónusdeild karlaAdam Eiður eftir árið með John Brown Golden Eagles "Lítið hægt að...

Adam Eiður eftir árið með John Brown Golden Eagles “Lítið hægt að væla undan íþróttum á tímum sem þessum”

Fyrir tæpu ári síðan ákvað bakvörðurinn Adam Eiður Ásgeirsson að halda vestur um haf og ganga til liðs við John Brown Golden Eagles. Golden Eagles eru í Arkansas fylki og leika í efsta hluta NAIA deildar bandaríska háskólaboltans.

Adam Eiður lék upp alla yngri flokka Njarðvíkur og með meistaraflokk félagsins. Eitt tímabil, 2017-18, var hann með Þór í Dominos deildinni, en hann fór svo aftur til Njarðvíkur eftir það. Þá hefur hann leikið með yngri landsliðum Íslands.

Karfan setti sig í samband við Adam og spurði hann út í árið í háskólaboltanum.

Hvernig fannst þér þetta ár ganga með John Brown?

“Þetta var mjög gaman, liðið var mjög gott og frábær andi. Persónulega gekk mér ágætlega fyrir áramót, spilaði rullu í leikjum og fannst ég gera ágætlega, en eftir áramót minnkaði spilatíminn til muna”

Er mikill munur á lífinu í Arkansas og hér heima?

“Gríðarlegur munur. Ég var í suðrinu þannig að fyrir mér var stærsti munurinn hvað allir eru strangtrúaðir, maður þurfti að mæta í kirkju og við báðum fyrir æfingar og leiki”

Er mikill munur á körfuboltanum sem þú þurftir að aðlagast þarna og hér heima?

“Mér fannst hellings munur á boltanum í öllum þáttum, en stærsta atriðið fannst mér vera svona micro-management. Menn fá mikið meira svigrúm til að gera mistök hérna heima, á meðan manni var sagt til syndanna fyrir að blikka augunum í JBU”

Er mikill munu á tímabilinu hér heima og úti í háskólaboltanum?

“Já, töluverður munur. Tímabilið byrjar seinna og endar fyrr, en samt fleiri leikir en hérna heima. Þétt leikið og alla jafnan lengri ferðarlög”

Nú endaði tímabilið nokkuð snemma hjá flestum í körfuboltaheiminum vegna Covid-19 faraldursins, voru það mikil vonbrigði? Náðuð þið að klára tímabilið og skóla?

“Já þetta var óheppilegt, við vorum að gera okkur klára í NAIA National Tournamentið og okkur fannst við eiga góðan séns þar, en auðvitað lítið hægt að væla undan íþróttum á tímum sem þessum. Klárum þessa önn í fjarnámi á netinu”

Nú varst þú að klára þitt fyrsta ár úti á Bandaríkjunum. Ertu að fara aftur út næsta haust? Hver eru helstu markmiðin körfuboltalega fyrir næsta tímabil?

“Fer ekki aftur í JBU, en ætla bara að sjá hvað gerist. Markmiðið bara að bæta sig og hafa gaman!”

Fréttir
- Auglýsing -