Næst síðusti leikur Íslands á Eurobasket 2017 fer fram í dag. Þá mætir Ísland ósigruðum slóvenum sem hafa átt frábært mót hingað til. Liðið stefnir á verðlaunasæti á mótinu og ætlar sér ekki að vanmeta Íslands samkvæmt viðtali Karfan.is við stórstjörnu þeirra Goran Dragic.
Í öðrum leikjum dagsins þá getur Finnland tryggt sig áfram með sigri á Grikklandi í kvöld en Finnland hefur leikið frábærlega á mótinu hingað til. Einnig mætir Pólland Frakklandi og getur Frakkland einmitt einnig tryggt sig í 16 liða úrslit.
Leikir dagsins:
Ísland – Slóvenía kl 10:45 í beinni á RÚV
Pólland – Frakkland kl 13:30
Finnland – Grikkland kl 17:00 í beinni á RÚV 2