10:30
{mosimage}
Það verður mikið um að hugsa hjá Dirk Nowitzki í dag
Í dag ræðst það hverjir verða andstæðingar liðanna úr E riðli í átta liða úrslitum Evrópumótsins. Þrjú lið eru örugg áfram, Litháar, Slóvenar og Frakkar en viðureign Þjóðverja og Ítala er úrslitaviðureign um fjórða sætið.
Viðureign Þjóðverja og Ítala er einmitt fyrsta viðureign dagsins, klukkan 14:30. Ítalir hafa ekki verið að gera neinar rósir í mótinu á meðan Þjóðverjar byrjðu vel en hafa verið að dala og steinlágu fyrir Slóvenum í síðasta leik.
Klukkan 17:00 mætast Frakkar og Tyrkir, þessi leikur hefur mjög litla þýðingu en Frakkar eru öruggir með þriðjasætið í riðlinum og komast ekki ofar á meðan Tyrkir eiga ekki möguleika á að komast áfram. Það er því ljóst að Frakkar mæta Rússum á morgun í átta liða úrslitum.
Síðasti leikurinn er svo viðureign Litháa og Slóvena en bæði þessi lið eru taplaus í mótinu, þau einu. Þetta er því úrslitaleikur um efsta sætið í riðlinum og verður eflaust um hörkuviðureign að ræða.
Mynd: www.eurobasket2007.org
