00:16
{mosimage}
(Úr leik Ármanns og Snæfells í dag)
Einn leikur var á dagskrá í 1. deild kvenna í dag. Ármann tók á móti Snæfell í Laugardalshöll og lyktaði leikurinn með sigri Hólmara 46-70. Stigahæst hjá Snæfell var Gunnhildur Gunnarsdóttir með 27 stig og hjá Ármanni Anna Sigurlaugsdóttir með 11 stig.
Leikurinn var jafn til að byrja með og var jafnt eftir fyrsta leikhuta 17-17. Í öðrum leikhluta komust Snæfellingar yfir og náðu ágætu forskot en í hálfleik munaði aðeins fjórum stigum, 31-35.
Þriðji leikhluti sem og allur seinni hálfleikur var mjög góður hjá Snæfelli en þá juku þær muninn hressilega og leiddu eftir þrjá leikhluta 40-56 og unnu þær 24 stiga sigur 46-70.
Stigahæst hjá Snæfell var Gunnhildur Gunnarsdóttir með 27 stig og Alda Leif Jónsdóttir bætti við 20.
Hjá Ármanni skoraði Anna Sigurlaugsdóttir 11 stig og Hjaltey Sigurðardóttir skoraði 10 stig.
mynd: Gunnhildur Erna Theodórsdóttir
