22:00
{mosimage}
Jakob Örn Sigurðarson og félgar í Univer (3-2) heimsóttu meistarana í Szolnoki Olaj í ungversku úrvalsdeildinni í dag og sigruðu 60-54 í jöfnum og spennandi leik. Jakob skoraði 4 stig í leiknum á 38 mínútum en hann gaf einnig 4 stoðsendingar.
Gijon (7-0) og Logi Gunnarsson unnu sinn sjöunda sigur í röð í gær þegar liðið lagði Akasvayu CB Vic á heimavelli 69-52. Bæði liðin voru taplaus fyrir leikinn svo nú er Gijon eina taplausa liðið í LEB Platinum deildinni.
Brønshøj (2-5) sem Grétar Örn Guðmundsson spilar með í dönsku 2. deildinni tapaði fjórða leiknum sínum í röð þegar liðið tók á móti gömlum félögum Grétars í BK Amager 2. Leikar fóru 80-90.
Hvorki gengur né rekur hjá AUS (0-5) og Kristínu Rós Kjartansdóttur í dönsku 1. deildinni en þær heimsóttu Åbyhøj 2 í dag og töpuðu 56-47 og eru því enn án sigurs í deildinni.
Mynd: www.universport.hu
