10:54
{mosimage}
Jón Arnór Stefánsson og félagar í Lottomatica Roma (10-4) unnu stórsigur á heimavelli í ítölsku úrvalsdeildinni í gær þegar þeir tóku á móti Snaidero Udiene og unnu 93-64. Jón Arnór lék í 17 mínútur í leiknum og skoraði 12 stig auk þess að taka 3 fráköst.
Gijon (11-2) heldur áfram sigurgöngu sinni áfram en þeir sigruðu Imaje Sabadell Gapsa 78-69 í spænsku LEB Silfur deildinni um helgina. Logi Gunnarsson var í byrjunarliði Gijon og lék alls 16 mínútur og skoraði 2 stig.
Pavel Ermolinskij lék í rúmar 4 mínútur með Huelva (7-6) sem tapaði á heimavelli fyrir CB Villa de Los Barrios 53-59 í spænsku LEB Gull deildinni. Pavel tókst ekki að skora en tók 1 frákast.
Alerta Cantabria (4-9) tók á móti Alicante Costa Blanca og sigraði 72-65. Damon Johnson skoraði 11 stig.
Randers Cimbria (5-9) sótti Jesper Sörensen og lærisveina í BK Amager heim í dönsku úrvalsdeildinni og lá 74-71. Helgi Freyr Margeirsson lék ekki með vegna anna í námi.
Herlev (9-4) tapaði heima fyrir BK Skjold Stevensgade í dönsku 1. deildinni, 83-85.
Halldór Karlsson skoraði 26 stig þegar Horsens BC (7-2) sigraði Svendborg 3 í dönsku 2. deildinni.
Glostrup (8-5) sem Kevin Grandberg þjálfar tók á móti Brønshøj (4-9) sem Grétar Guðmundsson leikur með í dönsku 2. deildinni. Glostrup sigraði 78-71. Grétar lék ekki með.
Mirco Virijevic og félagar í Bayern Munchen sigruðu Heimerer Schulen Basket Landsberg 85-83 á útivelli í þýsku 2. Regionalliga. Mirko skoraði 16 stig.
Coopsette Rimini (6-6) vann Carife Ferrara 83-76 í ítölsku A2 deildinni.
Mynd: www.clubnapoli.com
