Nú er komið að öðrum afhendingardegi grænmetisins góða frá Körfuknattleiksdeild Kópavogs. Verður góðgætið afhent föstudaginn 16. október milli 16 og 18 í Smáranum. Posi verður á svæðinu. Er það von okkar og vissa að fyrsti skammtur hafi fallið ykkur vel í geð og runnið ljúflega niður. Í fyrstu pöntun var oft ekki tekið fram hvort stefnt væri að því að vera í svokallaðri “grænmetisáskrift” eður ei og er því bókhaldinu eitthvað ábótavant.
Vil ég því biðja ykkur að staðfesta móttöku þessa pósts, taka fram hvort og hvað eigi að panta að þessu sinni og hvort eigi að taka viðkomandi vöru í tveggja vikna áskrift héðan í frá. Fólki er einnig bent á þann möguleika að taka sér mánaðaráskrift þar sem keyptur er einn skammtur á mánuði. Grænmetisbransinn er síbreytilegur og mismunandi hvaða grænmeti okkur til boða nýupptekið úr garðinum hverju sinni. Er það að sjálfsögðu vel til þess fallið að skapa spennu og skemmtilegheit hálfsmánaðarlega. Að þessu sinni líta valmöguleikarnir svona út:
1) 2,5 kg af nýuppteknum gulrótum. Tilvaldar sem snarl milli mála, í súpuna eða salatið.
Verð: 1000 kr.
2) Blandaður grænmetispoki sem samanstendur af 2xkínakál, 3x rófur, hvítkáli, grænkáli og 2 kg af gulrótum.
Verð: 2000 kr.
Þeim sem hafa hug á að taka þátt í þessu heilsu- og styrktarátaki með okkur er bent á að senda tölvupóst á netfangið [email protected] . Nýjir kaupendur skulu taka fram nafn, símanúmer, pöntun á vöru og hvort taka eigi í áskrift.
Heilsukveðja,
Körfuknattleiksdeild Breiðabliks
