Miðherjinn Fannar Freyr Helgason er ekki í Stjörnuliðinu í kvöld sem tekur á móti FSu í Iceland Express deild karla eftir örfáar mínútur. Fannar fékk högg á annað hnéð gegn Snæfell á dögunum og hvílir því í kvöld.
Þá er Guðjón Hrafn Lárusson einnig fjarri góðu gamni en hann fer í speglun á öðru hné og er búist við því að hann verði ekki með Stjörnunni fyrr en snemma á nýja árinu. Guðjón lék nokkra leiki með Stjörnunni á undirbúningstímabilinu en hefur ekki náð að leika deildarleik þessa leiktíðina.
