Jón Arnór Stefánsson gerði 14 stig í gær fyrir CB Granada þegar liðið lagði Xacobeo Blu í spænsku úrvalsdeildinni. Lokatölur leiksins voru 97-88 Granada í vil. Jón var ekki í byrjunarliðinu en lék í tæpar 24 mínútur í leiknum.
Jón setti niður 1 af 3 teigskotum sínum en sallaði niður 4 af 6 þriggja stiga skotum sínum í leiknum. Jón fór líka einu sinni á línuna í leiknum en brenndi af báðum vítaskotunum. Auk þessa var Jón með 3 stoðsendingar.
Eftir 20 umferðir er CB Granada í 12. sæti spænsku úrvalsdeildarinnar með 8 sigra og 12 tapleiki. Næsti leikur Granada fer fram á útivelli næsta laugardag er liðið mætir Power Electronics Valencia sem eru í 4. sæti deildarinnar.
