Jón Arnór Stefánsson mátti þola ósigur um helgina með liði sínu CB Granada í úrvalsdeildinni á Spáni. Granada tók á móti Students Asefa og tapaði 75-84. Jón Arnór var ekki í byrjunarliðinu en lék í tæpar 12 mínútur og skoraði 5 stig í leiknum.
Jón setti niður einn þrist í tveimur tilraunum og skoraði svo úr tveimur af þremur vítaskotum. Að loknum 24 umferðum á Spáni er CB Granada í 12. sæti deildarinnar með 10 sigra og 14 tapleiki.
