St. Etienne gerði föstudaginn langa enn lengri fyrir Cognac í frönsku NM1 deildinni er liðið rótburstaði gesti sína 105-73. Logi Gunnarsson var í byrjunarliði St. Etienne og skoraði 12 stig í leiknum.
Logi lék í rétt tæpar 30 mínútur í leiknum og gaf einnig 4 stoðsendingar og tók 1 frákast. Sex leikmenn St. Etienne gerðu 12 stig eða meira í leiknum en þeirra atkvæðamestur var Georges Philips með 23 stig.
Næsti leikur St. Etienne er á laugardaginn kemur þegar liðið mætir Basket Club Longwy sem er í sautjánda og næstneðsta sæti deildarinnar. St. Etienne er í 12. sæti deildarinnar.
