Jakob Örn Sigurðarson og Hlynur Bæringsson hafa vakið athygli í Sundsvall í Svíþjóð og má finna þá félaga í viðtali á sænsku vefsíðunni ST.NU þar sem 1982 árgangurinn á Íslandi er m.a. sagður með þeim öflugustu. Því fer ekki fjarri enda árgangurinn skipaður leikmönnum á borð við Jón Arnór, Jakob Örn, Hlyn Elías, Helga Má og marga fleiri sem getið hafa sér gott orð í boltanum.
Í viðtalinu kemur m.a. fram að Jakob og kærasta hans eigi von á barni nú í maí á næsta ári og geti fengið smjörþefinn af foreldrahlutverkinu hjá Hlyn og frú sem í sumar fluttust í næsta nágrenni við Jakob með þrjú börn. Sjá viðtalið hér.
