Kieraah Marlow er komin til liðs við kvennalið Snæfells í körfu. Kieraah er 26 ára gömul, 178 cm á hæð, kemur frá Coatesville Pennsylvania og gekk í Gergetown háskólann. www.snaefell.is greinir frá.
Kieraah hefur góða reynslu af atvinnumennsku en hún hefur leikið tvö tímabil í Finnlandi og spilað með Forssan Alku og Team S-Hameenmaa við góðan orðstír. Marlow leysir þá af Shannon McKever sem Hólmarar ákváðu að senda heim á dögunum.
