Það fór ekki á milli mála fyrir þá sem lögðu leið sína í Grafarvoginn í gær að Haukar hafa bætt við sig erlendum leikmanni og kemur það einnig fram á heimasíðu Hauka. Christopher Smith heitir kappinn og lék með Njarðvíkingum á síðustu leiktíð og Fjölni þar á undan.
Smith var ekki með Haukum en samkvæmt heimildum náðist ekki að græja fyrir hann leikheimild í tæka tíð. Það má því búast við að það verði frágengið þegar að Haukar mæta Keflavík í Toyota-höllinni á föstudag.
Smith var með 20.9 stig að meðaltali og 8.1 frákast á meðan hann lék með Njarðvík en hjá Fjölni var hann með 23.4 stig og 12 fráköst.
Mynd: [email protected]
