Í dag mánudaginn 20. janúar er lokadagur skráningar á hið árlega Póstmót Breiðabliks en mótið fer fram helgina 25. – 26. janúar. Mótið er fyrir iðkendur, stráka og stelpur, á aldrinum 6-11 ára en keppt er í 6 aldursflokkum og fer mótið fram í Smáranum og íþróttahúsi Kársnesskóla. Stig eru ekki talin en leikgleðin er í fyrirrúmi, hvert lið spilar sína leiki á um 3 klukkutímum og allir fá verðlaunapening, bol og frítt í sund. Einnig verða teknar liðsmyndir af öllum liðum. Skráningarfrestur er til mánudagsins 20. janúar en skráningar skilast á netfangið [email protected], þátttökugjald er 2500 kr á iðkanda.
Mótsreglur
· Leiktími er 2×12 mínútur
· 4 leikmenn eru inná í hvoru liði
· Skipta má inná hvenær sem er á leiktímanum
· Leikið er eftir minniboltareglum KKÍ
· Stig eru ekki talin
· Vörn er ekki leyfð fyrir framan miðju
· Ef brotið er á skotmanni er gefið eitt vítaskot
Dómarar Póstmótsins skulu..
· Vera virkir þátttakendur í leiknum og leiðbeina leikmönnum þegar það á við
· flauta hátt og segja leikmönnum skýrt hvað var dæmt og hver eigi boltann
· Ná í boltann við hvern dóm og afhenda í innkasti, gott að leyfa þeim leikmanni sem brotið var á að taka innkastið
· Leiðbeina leikmönnum hvar þeir eigi að standa í vítaskotum
