Keppni í Konungsbikarnum á Spáni hefst í kvöld en leikið er í 8-liða úrslitum. Tveir leikir fara fram í kvöld og tveir annað kvöld. Jón Arnór Stefánsson og félagar í CAI Zaragoza mæta Unicaja í síðari leik kvöldsins kl. 21:30 að staðartíma eða kl. 20:30 að íslenskum tíma. Fyrri leikur kvöldsins er slagur Real Madrid og Herbalife Gran Canaria.
Á morgun mætast svo Valencia og Laboral Kutxa í fyrri leiknum og seinni leikurinn annað kvöld er viðureign Barcelona og Iberostar Tenerife.
Viðureign Zaragoza og Unicaja ætti að verða svakaleg í kvöld en Unicaja er í 4. sæti ACB deildarinnar en Zaragoza í 6. sæti.
