„Það kæmi mér ekki á óvart ef uppselt yrði á leikinn,“ sagði Hannes S. Jónsson formaður KKÍ við Karfan.is í dag en lokaleikur Íslands og Bosníu í A-riðli fyrir undankeppni EuroBasket 2015 fer fram á miðvikudagskvöld í Laugardalshöll. Hannes sagði það eftir fregnum frá Miði.is að sala miða á leikinn gengi vel.
„Ég bendi fólki sem ætlar sér á leikinn á að kaupa miðana á Miði.is svo það lendi ekki í því að verða miðalaust. Ég vonast svo eftir fullri Laugardalshöll því strákarnir okkar eiga það svo sannarlega skilið. Þeir léku frammi fyrir fullum húsum í Bosníu og Bretlandi og eiga skilið öflugan stuðning hér heima fyrir frammistöðuna upp á síðkastið.
Mynd/ SBS
