Það gerist ekki á hverjum degi að íslenskir teigstríðsmenn taki sig til í miðjum bardaga, slái upp í óaðfinnanlega pósu og það jafnvel kátir í bragði en það gerðu þeir andstæðingarnir Helgi Rafn Viggósson leikmaður Tindastóls og Grétar Ingi Erlendsson leikmaður Þórs í gærkvöldi.
Guðmundur Karl Sigurdórsson helsta vítamínsprauta Sunnlenska.is á Suðurlandi fangaði þetta sjaldgæfa augnablik í gærkvöldi, sannarlega stund milli stríða og silkiskorinn Dressmann-keimur af þessu öllu saman hjá Helga og Grétari.
Kumpánarnir Helgi og Grétar mætast í þriðja sinn næsta föstudag þar sem Tindastóll getur tryggt sér farseðil í undanúrslit eða Þór tryggt sér amk fjórða leikinn í seríunni en Tindastóll leiðir einvígið 2-0.
Mynd/ sunnlenska.is
