Og enn af samningslausum landsliðsmönnum hjá Sundsvall en Ægir Þór Steinarsson bakvörður mun líkt og félagar hans vera samningslaus frá Sundsvall eftir þetta tímabil og sagði Ægir að tímabilið hafi verið vonbrigði.
"Við vorum svolítið upp og niður yfir tímabillið. Miðað við mannskap þá áttum við að enda ofar í töflunni. En í fyrstu umferð í úrslitakeppninni vorum við að spila vel en seinni umferðin þá náðum við ekki að spila á háu leveli í 40 mín. Það eru gríðarleg vonbrigði að detta út þannig maður er allt annað en ánægður með þetta."sagði Ægir í samtali.
Ægir klárar samning sinn við Sundsvall nú í enda apríl líkt og hinir Íslendingarnir þar um borð.
"Samningurinn var að klárast hjá mér. Það er ekki að hægt að segja mikið daginn eftir síðasta leik. Maður heldur auðvitað öllum möguleikum opnum. Ég verð þolinmóður í sumar og er tilbúinn að skoða það sem kemur upp. Nú getur maður farið að einbeita sér að landsliðinu. Það er mikil samkeppni um að komast í liðið. Ég verð í mínu besta formi fyrir það og svo kemur bara í ljós hvort maður verði valinn eða ekki."
